लोकसेवा हक्क अधिनियम

महाराष्ट्र राज्यातील नागरिकांना शासनामार्फत व शासनाचे अधिनस्त सर्व सार्वजनिक प्राधिकरणांमार्फत दिल्या जाणा-या अधिसूचित सेवा पारदर्शक, गतिमान व विहित कालमर्यादेत देण्यासाठी महाराष्ट्र लोकसेवा हक्क अधिनियम २०१५ पारित करण्यात आला असून तो दि. २८-०४-२०१५ पासून अंमलात आहे. नागरिकांना सुलभ व कालमर्यादेत सेवा मिळाव्यात हे त्याचे उ‍द्दीष्ट आहे.

खालीलप्रमाणे अधिसूचित सेवा नागरिकांना दिल्या जात आहेत किंवा नाही यावर देखरेख, समन्वय, सनियंत्रण ठेवण्यासाठी व या संदर्भात सुधारणा सुचविण्यासाठी उपरोक्त कायद्यान्वये महाराष्ट्र राज्य सेवा हक्क आयोग गठीत करण्यात आला असून आयोगामध्ये एक मुख्य आयुक्त व सहा आयुक्त कार्यरत आहेत. आयोगाचे मुख्यालय नविन प्रशासकीय भवन, मंत्रालयासमोर, मुंबई येथे असून सहा विभागातील मुख्यालयाच्या ठिकाणी आयुक्तांची कार्यालये आहेत.

पात्र नागरीकांना विहित वेळेत सेवा न मिळाल्यास अथवा नियमोचित कारणाशिवाय ती नाकारल्यास अशा निर्णयाविरुध्द संबंधितांना वरीष्ठांकडे प्रथम व व्दितीय अपिल करता येते व तरीही समाधान न झाल्यास आयोगाकडे तृतीय अपिल करता येते. कसूरदार अधिका-यास प्रतिप्रकरण रु.५०००/- पर्यंत दंड होऊ शकतो.

 

ग्राम विकास व पंचायत राज विभागा मार्फत सेवा हमी कायदा अंतर्गत एकुण ७ प्रकारचे दाखले ऑनलाईन उपलब्ध करण्यात आलेले आहेत

सेवा	सेवा मिळण्याचा कालवधी (दिवस)	पदनिर्देशित अधिकारी	प्रथम अपिलीय अधिकारी	द्वितीय अपिलीय अधिकारी
जन्म नोंद दाखला	७ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
मृत्यू नोंद दाखला	७ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
विवाह नोंद दाखला	७ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
दारिद्रय  रेषेखालील असल्याचा दाखला	७ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
ग्रामपंचायत येणेबाकी नसल्याचा दाखला	५ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
नमुना 8 चा उतारा	५ दिवस	ग्रामपंचायत अधिकारी	सहायक गट विकास अधिकारी	गट विकास अधिकारी
निराधार असल्याचा दाखला	२० दिवस	ग्रामपंचायत अधिकारी	सहायक गट विकास अधिकारी	गट विकास अधिकारी

 

 

महाराष्ट्र राज्य सेवा हक्क आयोगाची वेबसाईट :- aaplesarkar.mahaonline.gov.in
महाराष्ट्र राज्य सेवा हक्क आयोग, नागपुर  विभागीय कार्यालय, नागपुर

माहितीचा अधिकार

पत्ता :- प्रशासकीय इमारत क्र.-०२ सिविल लाइन नागपूर-४४०००१

दूरध्वनी –  ०७१२-२९९६६०५

ई–मेल आयडी : crtsnagpur[at]maharashtra[dot]gov[dot]in

पदनिर्देशित अधिकारी यांच्याकडून सेवा प्राप्त न झाल्यास अथवा दिलेल्या मुदतीत न मिळाल्यास व प्रथम आणि द्वितीय अपिलात न्याय न मिळाल्यास कायद्याच्या १८(१) नुसार अर्जदार नमुना व्ही मध्ये द्वितीय अर्ज प्राप्त झाल्यापासून ६० दिवसात अपील दाखल करू शकतो.